حقيقة قصة كوادن طفل التنمر

– الكلام ده غير صحيح. القصة حقيقية مش نصب، والطفل عنده 9 سنين مش 18 سنة. ✅ ✅

– الصورة المنشورة مع البوست من ضمنها سكرين شوت لحساب باسم كوادن على موقع “star now” اللي هو موقع توظيف خاص بالفنانين، لكن اللي أخد الاسكرين اكتفى بس بإنه يعرض اسم وصورة كوادن على الموقع، بدون عرض السيرة الذاتية المكتوبة مع الحساب، واللي مكتوب في أولها بوضوح: “مرحبًا، أنا كوادن، عمري 8 سنوات”. ✅ ✅

– باقي الصور المنشورة في البوست نشرها كوادن بنفسه على حساباته على إنستجرام (حاليًا الحساب موقوف لسبب مجهول) وعلى موقع “star now”، لكن أبرز الصور دي واللي البعض بيستدل بها على إن كوادن عنده 18 سنة مش 9، هي صورة لكوادن واقف جنب رقم 18 فيما يبدو إنه احتفال بعيد ميلاد، لكن الصورة دي مش من عيد ميلاد كوادن، دي من عيد ميلاد كان بيحضره، وموقع “snopes” لتدقيق الحقائق، نشر صورة مأرشفة من حساب كوادن على إنستجرام قبل قفله، وبيظهر فيها إن ده عيد ميلاد شخص اسمه “Garlen” والطفل كان بيقدم له التهنئة.✅ ✅

– كمان في مقابلة لكوادن ووالدته مع برنامج تلفزيوني سنة 2015 للتوعية بالتقزم، وبيظهر فيها كوادن وهو طفل عنده 4 سنوات ماسك لعبة في إيده مشغول فيها ومش مدي أي اهتمام للبرنامج، زي أي طفل عنده 4 سنين هيعمل.