حقيقة فيديو قراءة القرآن في برنامج got talent

– الفيديو مفبرك. الشخص اللي ظهر في الفيديو يبقى يوتيوبر إندونيسي اسمه “آيا إبراهيم” بيركب فيديوهات وينشرها على حسابه على يوتيوب. الفيديو الأصلي متاخد من حلقة لبرنامج “The X Factor UK” عام 2015، وكان بيغني فيها الفنان “Josh Daniel”.✅✅

– اليوتيوبر الإندونيسي آيا إبراهيم، أخد مقطع Josh Daniel في The X Factor UK، واللي اتأثر به الحكام والجمهور جدًا، وركب عليه مقطع وهو بيقرأ قرآن بحيث يظهر تأثر الحكام ده بقرآته، وغير البرنامج من “The X Factor” إلى “britain’s got talent”. ✅✅

– آيا إبراهيم دخل كذا لقطة من كذا حلقة وبرنامج تانيين في وسط الفيديو، زي اللقطة اللي بيظهر فيها المقدم التلفزيوني والممثل ديفيد ويليامز، واللي هو مش من ضمن لجنة تحكيم “The X Factor” أصلًا.✅✅

– الفيديو الأصلي اللي نشره آيا مدته 11 دقيقة تقريبًا، وواضح فيه إنه بيلعب وعمال يدخل حلقات من برامج مختلفة مع بعض ويضحك ويغني.✅✅