حقيقة وجود انقلاب عسكري في السودان

– الكلام ده غير صحيح على الإطلاق، والفيديو متفبرك.✅✅

– أخبار محاولات الانقلابات دلوقتي مش بتستخبى، الانقلابات بتحصل على الهواء والعالم كله يقدر يشوفها، زي ما حصل في تركيا من سنتين 😎😎

– لو ركزنا في الفيديو هنلاقي إن صوت المذيعة اللي افتتحت النشرة مختلف عن الصوت اللي تولى الكلام من وقت الحديث عن وجود انقلاب عسكري.

– من الدقيقة (2:55) بتقول المذيعة “معنا عبر الهواء مباشرة من القصر الجمهوري الوزير السابق جادين”، وبيظهر شخص من العدم بصورة مهزوزة وإخراج فني رديئ على إنه موجود قدام القصر الجمهوري.

– الشخص ده مخترع شخصية اسمها “الوزير جادين” ، بيعمل اسكتشات سياسية كوميدية معارضة للسلطة في السودان، مش وزير ولا حاجة.

– كمان الكتابة في الفيديو، وخصوصًا في شريط الأخبار، مليانة أخطاء إملائية، زي “حكومه انتقاليه” بدل “حكومة انتقالية”، “الحيوانيه” بدل “الحيوانية”، وكلام تاني كتير.