عدد الفولورز المحذوفين من حسابات المشاهير

في الساعات الأخيرة، ظهرت آثار سياسة شبكة “تويتر” الخاصة بحذف الحسابات “الوهمية” أو اللى نشاطها مريب، وده انعكس على عدد الفولورز، خاصة حجم اللى بيتابعوا حسابات المشاهير والشخصيات العامة.😃

– صحيفة “واشنطن بوست” قالت إن تويتر حذف أكتر من 70 مليون حساب مزيف أو مشبوه بداية من مايو الماضي، لتعزيز الثقة والمصداقية عليه.🤔

– وده جه بعد تحقيق الكونجرس الأمريكي في “التدخل الروسي” في الانتخابات الأمريكية، بما في ذلك محاولة التأثير من خلال صفحات على فيس بوك وحسابات على تويتر.

– يمكن ده دفع صحف مصرية كمان إنها تنشر تقارير خاطئة عن انخفاض حاد في متابعي حسابات معينة.. عشان كده
فكرنا نعمل جدول بسيط نوضح فيه التغيرات اللى حصلت على أشهر الأكاونتات في تويتر، ونبيَن بالظبط قد ايه خسروا من المتابعين✅✅.

– طب احنا عرفنا ده ازاي؟

-الحقيقة فيه أدوات مختلفة، لكن ممكن نشير لأداة بسيطة اسمها TwitterCounter، بمجرد ما تحط هاندل أي حساب فيها بيعطيك تقييم لحجم الفولورز باليوم.