موجة حارة تضرب مصر والشرق الأوسط.. الأعلى في العالم

– أسئلة كتير اتبعتت لنا من متابعين عن حقيقة بوستات منتشرة بتقول إن درجات الحرارة الأيام الجاية هترتفع بشكل حاد، مع تحذيرات للناس من التعرض للشمس. فخلينا نشوف القصة .😡😡

**هل فعلًا درجات الحرارة هترتفع بشدة الأيام الجاية؟😢😢

– ده حقيقي. درجات الحرارة في مصر وعدد من دول الشرق الأوسط هتكون مرتفعة جدًا خلال الـ3 أيام الجاية، وهتسجل أعلى درجات الحرارة في العالم.

-على سبيل المثال درجات الحرارة العظمى المتوقعة في القاهرة الـ3 أيام الجايين (الأربع والخميس والجمعة)، هتكون 43 و44 و44 على التوالي. وفي محافظات الصعيد زي قنا هتوصل إلى 45 و46 و47، وده بحسب موقع AccuWeather المتخصص في الطقس.

**هل درجات الحرارة دي طبيعية؟
-بقالنا كام سنة بنشهد موجات حرارة مرتفعة للغاية في شهري أبريل ومايو. على سبيل المثال درجات الحرارة وصلت في مايو 2016 إلى 49 درجة في بعض مناطق مصر.

– درجات الحرارة المرتفعة للغاية دي بتعتبر ناتج من نتائج التغيرات المناخية اللي بتضرب العالم كله.

**امتى موجة الحر دي هتخلص؟
-متوقع إن موجة الحر دي تنتهي في مختلف أنحاء الجمهورية بحلول يوم السبت. درجات الحرارة هتبقى في حدود 37 و38 في القاهرة، لكن في الصعيد هتكون أعلى من كده.

**نعمل إيه في الحر والصيام؟
الأطباء المختصين بينصحوا :
– كبار السن والأطفال ومرضى الضغط عليهم البقاء في المنازل وعدم الخروج في الشمس إلا في أضيق الحدود خصوصًا لو صايمين.
– الإكثار من شرب السوائل طوال فترة الفطار، والبعد عن الأكل الدسم والمملح والمشطشط خصوصًا في السحور.
– تجنب التعرض المباشر لأشعة الشمس.
-ينصح بارتداء غطاء رأس للحماية من الشمس.
-التوجه لأقرب مستشفى حال الشعور بالإجهاد الحرارى.
– تبريد الجسم طول اليوم بمياه باردة.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى