إزاي أكتشف التويتات الصادرة من مكان معين على تويتر؟

## إزاي أكتشف التويتات الصادرة من مكان معين على تويتر؟

– وقت الأحداث الكبيرة ساعات بنحتاج نعرف مين قريب من مكان الحادث لأنه فيه احتمال يبقى بيكتب عنه، وبالتالي يعتبر مصدر كويس لمعرفة حقيقة اللي بيحصل على الأرض وينقل صورة تساعدنا على فهم حقيقة اللي بيحصل.

– فيه أداة بسيطة اسمها TwiMap، هي عبارة عن خريطة من خلالها تقدر تعرف تكتشف بيها التويتات المكتوبة على تويتر، أو مين بيكتب على تويتر حواليك أو في أي مكان معين في العالم.

– فايدة الأداة جايز تكون مفيدة أكتر للصحافيين في وقت الأحداث العاجلة والكبيرة، لكن مايمنعش إنها الأشخاص العاديين يقدروا يعتمدوا عليها في معرفة حقيقة اللي بيحصل حواليهم أو يطمنوا من خلالها ع الدنيا في مكان معين.

* الأداة بتعتمد في اكتشافها للتغريدات على قيام الأشخاص بتحديد مكانهم في التويتس اللى بينشروها، سواء من خلال انستجرام أو التطبيقات الأخرى زي Swarmapp.

على موقع الأداة هتلقى شرح بسيط للخطوات، لكن ممكن نلخصها في التالي:
1. اختار المكان اللى بتدور على تغريدات خارجة منه، وبعدين اضغط على علامة السماح بتحديد موقعك (على شمالك أسفل الأداة)
2. اضغط على علامة رفريش (أسفل الأداة) لتحميل التغريدات من الموقع المحدد.
3. ممكن تعمل شير للتويتس من خلال الخريطة أو وكمان تقدر تعمل لها تضمين (Embed) في موقع الويب الخاص بيك.

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى