ازاي ممكن أبحث عن التويتات حسب المكان؟

– أهمية البحث عن التويتات حسب المكان بتظهر أكتر في وقت المواقف أو الأحداث العاجلة اللى لسه مش عارفين تطوراتها ولا مدى صدق المعلومات المتداولة عنها.

– وقتها بيكون التايم لاين غرقان كلام كتير عن حادث معين، وبنواجه صعوبة في الوصول لحد بيقول معلومة إلى حد ما موثوقة أو ممكن نصدقها.

– في الحالة دي بنلجأ للبحث عن أشخاص ممكن يكونوا عايشين قريب منه وبيكتبوا عنه، أملا في العثور على معلومة مفيدة وحقيقية، خاصة إن في الوقت ده الكلام ببقى كتير لكن مفيش شىء مؤكد.

– عشان كده حبينا نتكلم عن أداة واحدة من بين أدوات وتكنيكات مختلفة للبحث عن التويتس حسب المكان، اسمها (Quarter Tweets).. وفي وقت لاحق أكيد هنتكلم عن أدوات وطرق تانية للقصة دي.

– الأداة عبارة عن خريطة محددة فيها خانات مفتوحة تقدر تحدد فيها المكان اللى عاوز تدور على تويتات طالعة منه، وممكن تختار حساب معين كمان لو حابب تعرف منه بس، وممكن تعمل تصفية سواء عاوز تشوف صور بس أو عاوز تشوف التويتات اللى حصلت ريتويت كتير.. وفي النهاية بتتعرض لك قايمة على جنب فيها تجميعة للتويتات اللى بتدور عليها.

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى