اليوم الدولي لتقصي الحقائق International Fact-Checking Day

النهاردة اليوم الدولي لتقصي الحقائق International Fact-Checking Day ، وحابين نشارككم حكايتنا:

*ايه هو اليوم الدولي لتقصي الحقائق؟

اليوم الدولي لتقصي الحقائق International Fact-Checking Day اتعمل من قبل الشبكة الدولية لتقصي الحقائقThe International Fact-Checking Network بالتعاون مع منظمات الفاكتشينيج في العالم، اليوم ده اتعمل لتسليط الضوء على عمل الشبكة الدولية وشركائها حول العالم للاحتفال بإنجازات العاملين على تقصي الحقائق حول العالم و للإشارة لأهمية عملهم خاصة في ظروف زي اللي العالم بيمر بيها الآن مع وباء فيروس كورونا. International Fact-Checking Network Poynter

* احنا مين؟
احنا فريق من صحفيين وباحثين، هدفنا محاربة الشائعات والأخبار الكاذبة.
عمرنا دلوقتي سنتين، بدأنا فى أبريل 2018. عيد ميلاد الصفحة الشهر ده، وبيكوا قربنا نوصل لـ500 ألف متابع، وبتوصل بوستاتنا لملايين كل شهر 🙂

* ليه عملنا مبادرة “متصدقش”؟
عشان شوفنا إن الأخبار والقصص المزيفة فى وسائل الإعلام المصرية وعلى مواقع التواصل الاجتماعي، بقت كتير جدًا، وجزء كبير منها بيكون هدفها نشر الكراهية والسخرية خصوصا من الفئات المستضعفة زي المرأة.

* ليه مش بنعرف نفسنا للناس ونقول أسمائنا؟
عشان مش مهتمين الناس تعرف إحنا مين، مهتمين أكثر بالتركيز على المشروع، وتقييم التجربة، وتطويرها بيكوا، محتاجين نسمع آرائكم وأفكاركم عننا ومنفتحين على كل المقترحات. يمكن في يوم نعلن عن أسماء أعضاء من الفريق لو تطوير شغلنا استدعى ده، لكن لوقتها احنا مهتمين إن كل ما ننشره يكون مبني على شغلنا مش أشخاصنا.🙂

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى