حقيقة إنشاء مصر لأكبر محطة توليد كهرباء بالرياح في العالم

– النهاردة الرئيس عبد الفتاح السيسي بيفتح عدد من مشروعات الكهرباء من بينها محطة إنتاج من الرياح، وعدد كبير جدًا من المواقع الإخبارية، منهم المصري اليوم واليوم السابع وروسيا اليوم والفجر والبوابة نيوز، نشروا أخبار عن إن محطة إنتاج الكهرباء من الرياح دي “أكبر محطة لإنتاج كهرباء الرياح في العالم، بطاقة إنتاجية تبلغ 580 ميجا واط، وبكلفة 12 مليار جنيه، وبها 390 توربينة رياح”.

زائف

الكلام ده مش صحيح . ✅✅
اليوم السابع
المصري اليوم
جريدة الفجر – ElfagrNews
RT Arabic
– أكبر محطة لإنتاج كهرباء الرياح في العالم هي محطة “جانسو” الصينية، واللي بتنتج حاليًا 6000 ميجاوات من الكهرباء، ومن المتوقع إن إنتاجها يوصل لـ20 ألف ميجاوات في عام 2020، وفيها 7000 آلاف توربينة رياح.✅✅

– في دول تانية عندها محطات ضخمة لإنتاج الكهرباء من الرياح، زي الهند اللي فيها محطتين من الأكبر في العالم هما محطة موباندل (1500 ميجاواط) ومحطة جاسلمر (1065 ميجاواط)، وأمريكا كمان عندها محطات ضخمة زي شيفرلد (845 ميجاواط) وهورس هولو (735 ميجاواط).

– طبعًا الكلام ده لا ينفي إن المشروع عظيم وإن دي محطة ضخمة وإضافة حقيقية لشبكة الكهرباء في مصر بالاعتماد على مصدر طاقة نظيف زي الرياح. كمان لا ينفي التطور الكبير اللي حصل في شبكة الكهرباء في مصر خلال السنوات الماضية. 👏👏وبالتأكيد الزيادات المستمرة في سعر الكهرباء😢.

المصدر
اليوم السابع: المصري اليوم:روسيا اليوم:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى