حقيقة إن تناول الفاكهة على معدة خاوية يقتل السرطان

– بوست منتشر بشكل كبير جدًا (139 ألف شير) بيقول إن دكتور بريطاني اسمه ستيفن ماك اكتشف طريقة بسيطة لقتل السرطان في أيامه الأخيرة وهي أكل الفاكهة على معدة فارغة وإن ده “إحدى الاستراتيجيات لعلاج السرطان في الآونة الأخيرة، ومعدل نجاحي في علاج السرطان هو حوالي 80٪”.

زائف

– الكلام ده غير صحيح. مفيش أي دراسة علمية بتقول إن تناول الفاكهة تناول الفاكهعلى معدة فارغة بيعالج السرطان.✅✅

– البوست ده بيتم تداوله باللغة الإنجليزية على الأقل من عام 2010، وبعد كده تم ترجمته للغة العربية. ✅✅

– موقع “Hoax or Fact” لمحاربة الشائعات بيقول إن البوست تحريف لرسالة بريد إلكتروني بيتم تداولها من سنة 1998 من طاهي وكاتب طهي يعيش في سنغافورة، وكان أصل رسالة الطاهي ده هو التشجيع على أكل الفاكهة على معدة فارغة وفوائد ده.✅✅

– بعد كده الرسالة بدأت تتحرف ويضاف إليها كلام على لسان شخص اسمه”ستيفن ماك” عن إن تناول الفاكهة على معدة فارغة بيشفي من السرطان، لكن بالبحث على الإنترنت مفيش دكتور معروف بالاسم ده. منطقي لو كان في دكتور اكتشف حاجة زي دي إنه هيظهر في وسائل الإعلام ويطلع يشرح اكتشافه والدراسات اللي قام عليها، لكن مفيش حاجة من دي تمت.✅✅

– بشكل عام، تناول الفاكهة مفيد جدًا، واتباع نظام غذائي مليء بمجموعة متنوعة من الخضروات والفواكه والحبوب الكاملة والفاصوليا وغيرها من الأطعمة النباتية يساعد على تقليل المخاطر بالنسبة للكثير من أنواع السرطان، لكن مش هيشفيك من السرطان، بحسب المعهد الأمريكي لأبحاث السرطان. ✅✅

– وفي دراسة من سنة 2008 بتقول إن تناول الفاكهة والخضروات ممكن يحسن استجابة الخلايا السرطانية للعلاج الكيميائي لإن الفاكهة والخضروات فيها مادة الأبيجينين اللي بتساهم في ده.

– كمان الكلام المذكور في البوست عن إن تناول الفاكهة بعد الأكل هيؤدي إن الوجبة بكاملها تتعفن وتتحول إلى حامض كلام غير صحيح. تناول الفاكهة بعد الأكل بيؤدي فعلًا لإبطاء عملية الهضم، لكنه بالتأكيد مش هيؤدي إلى إن الوجبة تتعفن في بطنك ولا إلى ظهور الشيب والصلع والغضب والدوائر السوداء تحت العين.✅✅

المصدر
البوست المنتشر:نفس البوست من 2010:

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى