حقيقة إن فيروس كورونا لعبة من شركة ديتول

– فيديو منتشر بشكل كبير جدًا لواحد جايب علبة ديتول سبراي، من إنتاج شهر يوليو 2019 (من 8 أشهر)، ومكتوب عليها إنها بتقضي على “فيروس كورونا” رغم إن كورونا (كوفيد – 19) مظهرش غير في أواخر ديسمبر اللي فات، وبيتم الاستدلال بده إن فيروس كورونا “لعبة حقيرة” ومصنع مش حقيقي.

زائف

*الكلام ده غير صحيح. كورونا مش اسم فيروس واحد، ده اسم عائلة من الفيروسات، هي:
– المتلازمة التنفسية الحادة (سارس) واكتشف سنة 2003.✅✅
– متلازمة الشرق الأوسط التنفسية (ميرس)، واكتشف سنة 2012.✅✅
– كوفيد – 19، واكتشف في ديسمبر 2019.✅✅

– شركة ديتول قالت إن بناء على أبحاثها، فمنتجاتها وبعض المطهرات الأخرى قادرة على القضاء على فيروسات من عائلة كورونا زي “سارس” و”ميرس”، وإنهم حتى الآن بيختبروا إن كان منتجاتهم قادرة على القضاء على “كوفيد – 19” ولا لأ.✅✅

– الكلام عن إن فيروس كوفيد – 19 مخلق معمليًا وجزء من حرب بيولوجية بين دول كبرى، دي نظرية مؤامرة منتشرة لكن مفيش عليها أي دليل علمي. في بداية انتشار الفيروس كان بيتقال إنه “مؤامرة أمريكية” لضرب الصين بسبب الحرب التجارية اللي بينهم، لكن دلوقتي أمريكا هي أعلى دولة في العالم في عدد الإصابات بالفيروس (143 ألف مصاب حتى الآن وحوالي 2500 وفاة) واقتصادها بيمر بأزمة كبيرة جدًا، كمان الفيروس حاليًا منتشر في كل دول العالم تقريبًا وواضع مئات ملايين في الحجر الصحي، يعني كل العالم واقع عليه ضرر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى