حقيقة ارتفاع اسعار البنزين

بوستات كتير منتشرة عن الأسعار الجديدة للمواد البترولية في مصر، وكتير من متابعينا بعت لنا يسأل عن حقيقة هذه الأسعار.
هنا هنوضح بعد الأمور عن حقيقة زيادة أسعار البترول:👇👇

*هل أسعار الوقود زادت؟

مفيش إلى الآن أي زيادة رسمية في أسعار الوقود، لكن بحسب التصريحات الحكومية في زيادة أكيدة هتتم خلال الفترة القليلة الجاية.

**الزيادة هتحصل يوم إيه تحديدًا؟

لسه موعد الزيادة مش معلن، لكن في كل الأحوال الزيادة هتتم قبل يوم 1 يوليو الجاي (بداية السنة المالية الجديدة).

***نسبة الزيادة هتكون آد إيه؟ والأسعار المتداولة دي حقيقية؟

إلى الآن أسعار الوقود الجديدة مش محددة بشكل نهائي. والأسعار المتداولة دي تكهنات ملهاش أي سند رسمي.

بحسب موازنة العام المالي الجديد (2018 – 2019)، فالحكومة عاملة حسابها إن دعم الوقود هيقل من 121 مليار جنيه إلى 89 مليار جنيه، يعني هيقل بنسبة 26%. وده على أساس إن سعر برميل البترول هيكون في حدود 67 دولار.

بناء عليه كان متوقع إن أسعار البترول الجديدة هتكون في حدود: بنزين 80 والسولار = 5 جنيه تقريبًا بدلًا من 3.65 جنيه حاليًا، وبنزين 92 = 6.5 جنيه بدلًا من 5 جنيه حاليًا. أما زيادة سعر بنزين 95 فكانت غير متوقعة لإن سعره كان مقارب وقتها بالفعل للسعر العالمي.

حصلت مفاجأة كبيرة وسعر برميل البترول ارتفع إلى 80 دولار، وده قلب الدنيا عندنا في مصر، لإن كل زيادة دولار واحد في سعر برميل البترول، معناها زيادة حوالي 4 مليار جنيه في دعم الموازنة. يعني بفرض استقرار السعر عند 80 دولار للبرميل فده بيعني زيادة الدعم المخصص للوقود بحوالي 52 مليار جنيه.

وزارة المالية وصفت ارتفاع أسعار برميل النفط عالميًا بأنه “أمر كارثي على الموازنة”، وفي ارتباك كبير في الوزارة بسبب الوضع الجديد.

الأسئلة دلوقتي بتدور حول: هل الحكومة هتتحمل الزيادة الغير متوقعة اللي حصلت في أسعار النفط العالمية وترفع أسعار البنزين بالنسب اللي كان متخطط لها في الموازنة، ولا هتحمل الزيادة للشعب وترفع أسعار البنزين أكتر من النسب اللي كان متخطط لها، ولا هتقسم البلد نصين وتشيل شوية وتحمل الباقي للشعب؟

إلى الآن مفيش أي إجابة محددة ومعلنة من الحكومة. ✅✅

المصدر
- بعض البوستات المنتشرة عن أسعار الوقود الجديدة :- بعض البوستات المنتشرة عن أسعار الوقود الجديدة :
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى