حقيقة البنت المخطوفة على موتوسيكل في الإسكندرية

– بوست منتشر بشكل كبير جدًا بيتكلم على بنت راكبة موتوسيكل بين شابين في إسكندرية وبيقول إنها متخدرة وشاب اسمه محمد سعيد كسر بعربيته عليهم عشان شك إن البنت مخطوفة، وتم القبض على الشابين بمعاونة أمين شرطة، و”البنت اللى كانت متخدرة ومخطوفة على موتوسيكل فى اسكندرية اسمها رضا الفولى من الزقازيق محافظة الشرقية وفى ثانوية عامة ومتبلغ عن اختفائها”.

زائف

– الكلام ده غير صحيح. دي قصة مفبركة. البنت اللي كانت راكبة على الموتسكل تبقى أخت الشابين اللي راكبه معاهم. الشابين عملوا فيديو مع أختهم وضحوا فيه حقيقة القصة.✅✅

– أحد الشباب اللي ظاهر في الصورة نشر الفيديو على صفحته في فيسبوك، وقال إن أخته عندها إعاقة بسيطة (ده واضح للي بيشوف الفيديو)، وميقدروش يسيبوها تركب وراهم لوحدها عشان كده بيركبوها في النص بينهم حفاظًا عليها.

– كمان الشاب نفى صحة الكلام المنشور في البوست، وقال محدش كسر عليا بعربية ولا في أمين شرطة قبض عليا ولا أي حاجة وكل دي قصة خيالية اتعملت عشان صاحبها يتشهر. وكمان نشروا صور واحدة تانية على إنها أختهم.

– محمد سعيد اللي اتقال إنه بطل القصة دي ظهر على قناة “الحدث اليوم” وحكى نفس القصة وإنه تدخل مع أمين شرطة وقبضوا على الشابين ولقوا البنت فعلًا متخدرة، وبعدين بعد الشباين طلعوا حكوا القصة وجنبهم أختهم، محمد سعيد نزل بوست تراجع فيه عن قصته من التزنيق على الشباب والقبض عليهم وإن البنت طلعت متخدرة، وقال إنه عمل اللي عليه وبلغ أمين شرطة ومشي في ساعتها عشان شغله.

المصدر
البوست المنتشر:البوست المنتشر:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى