حقيقة الطفلة المصرية ‎نور ليث وليد أذكى طفل في العالم

– بوست منتشر بشكل كبيرجدًا بيقول: “ننسى بقى محمد رمضان والكلام اللي ما له فايده وخلونا نشوف القمر ده.. مبروك للبنوتة والملكة المصرية اذكى بنت فالعالم.. بنت مصر العبقرية : نور ليث وليد، 12 سنة، فازت بالمرتبة الأولى مسابقة أذكى طفل في العالم.. قدرت تحل 235 مسألة ف 8 دقايق وتفوقت ع 2000 شخص من أذكى أطفال العالم وأخدت المركز الأول ف مسابقة الرياضيات العقلية المقامة ف ماليزيا.. مع العلم فازت العام الماضي بالمركز الأول ف الأدب والشعر.. ربنا يحميكى ويكتر من امثالك يا قمر”.

زائف

– الكلام ده غير صحيح. الطفلة نور ليث وليد سورية الجنسية، وسبق وأكدت قبل كده في لقاء تلفزيوني إنها سورية وبتعيش حاليًا في مصر بسبب الأوضاع في بلدها.✅✅

– نور ليث وليد بتعيش في مصر هي وأسرتها، وانضمت إلى مركز “IMA Egypt” وده مركز تعليمي لتدريب الأطفال على الحسابات الذهنية المعقدة، وهو الفرع المحلي لمركز “IMA Education Group” في ماليزيا.

– نور شاركت هي وأطفال مصريين تانيين، عام 2017، في مسابقة “IMA” اللي بتتعمل على المستوى الدولي، وفازت بمركز متقدم (ضمن الـ20 الأوائل بحسب مدربتها) في منافسات مجموعتها اللي بتضم 1000 طفل، وبعض الأطفال المصريين فازوا كمان.

– نلاحظ إن المسابقة وفوز نور فيها كان في ديسمبر سنة 2017، لكن الكلام بدأ ينتشر عن الموضوع مؤخرًا بس، وبعض المواقع نشرت الموضوع على إنه خبر جديد!

– بعد عودة نور وزملائها إلى مصر، تم استضافتهم في برامج تلفزيونية باعتبارهم مواهب مصرية بدون الإشارة إلى جنسية نور السورية، لكن نور أكدت في لقاء تلفزيوني مع قناة أورينت إنها سورية الجنسية وتفتخر بكونها سورية.

– كمان والد نور، نفى مؤخرًا لمنصة “تأكد” أن تكون ابنته من حملة الجنسية المصرية، موضحًا أنه من أبناء مدينة دير الزور، وعائلته تحمل الجنسية السورية، غير أنها تقيم في مصر حاليًا.

– من ضمن الأطفال المصريين اللي فازوا في المسابقة مع نور، الطفل عبد الرحمن حسين (حصل على كأس البطولة)، والطفلة منى مرسي عبد الرسول، وجنى مدحت الروبي.

المصدر
البوست المنتشر:البوست المنتشر:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى