حقيقة تأجيل الدراسة بالجامعات لمدة أسبوعين

بوست منتشر بشكل كبير بيقول: “وزير التعليم العالى : تاجيل الدراسة بالجامعات المصرية لمدة اسبوعين ومن المحتمل ان يتم فتح التحويلات الورقية لطلاب الثانوية العامة”.

زائف

الكلام ده غير صحيح. الدراسة في الجامعات في ميعادها يوم 21 سبتمبر، ومفيش أي قرار بتأجيلها. ✅✅

المجلس الأعلى للجامعات هو الجهة المسؤولة عن وضع الخريطة الزمنية للعام الجامعي، وفي يونيو الماضي أعلن إن العام الجامعي 2019/ 2020 هيبدًا يوم 21 سبتمبر، وحتى الآن مفيش أي تغيير للميعاد ده. ✅✅

الموقع الإلكتروني للمجلس الأعلى للجامعات وموقع وزارة التعليم العالي وصفحتها على “فيسبوك” مفيش فيهم أي ذكر لقرار تأجيل الدراسة.

اللينك الموجود مع الكلام ده باعتباره مصدره، يبقى مدونة مش موقع رسمي ولا موقع إخباري، وبالتالي ملهاش أي مصداقية.

بالنسبة لموضوع التحويلات الورقية، السيد عطا رئيس قطاع التعليم والمشرف العام على التنسيق، أك قبل كده إن تحويلات تقليل الاغتراب لطلاب التنسيق تكون فقط إلكترونية ومفيش أي تحويلات ورقية لأي طالب.

المصدر
البوست المنتشر:البوست المنتشر:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى