حقيقة تحذير الصحة العالمية من “الخبز المدعوم”

– خبر منتشر بشكل كبير خلال الكام يوم اللي فاتوا بيقول: “شاهد بالفيديو :منظمة الصحة العالمية تحذر المصريين من تناول الخبز لوضع الحكومة مادة البريميكس المسببة للعجز الجنسي. شير وخلي كل الناس تعرف الحقيقة”.

زائف

– الخبر مفبرك. مفيش أي تحذير من منظمة الصحة العالمية بالكلام ده.✅✅

– محتوى الخبر مفيهوش أي إشارة للبيان اللي بيتكلم عنه، ومفيش فيه فيديو كمان زي ماهو مكتوب في العنوان.

– في حاجة اسمها مادة “البريميكس”، وهي خليط من المعادن والفيتامينات بتضاف إلى الدقيق والأرز لزيادة فايدتها الغذائية.

– في فيديو عربي منتشر بيقول إن مادة “البريميكس” بتسبب مرض السكر (مش العجز الجنسي زي الخبر مبيقول)، لكن الكلام ده مفيش تأكيد علمي له.

– سبق قبل كده وعملنا بوست ووضحنا فيه حقيقة الكلام المثار عن إضافة مواد إلى الخبز المدعم لتقليل الخصوبة (اللينك في أول كومنت).

– موقع “نبض الحرية” اللي ناشر الخبر ده موقع معروف بنشر الأخبار المفبركة، وسبق قبل كده وكان سبب في انتشار شائعات كتير. هو حاليًا محظور في مصر، لكن في صفحات على مواقع التواصل بتساعده وبتنشر محتواه.

المصدر
الخبر المنتشر من أكتر من مصدرالخبر المنتشر من أكتر من مصدر
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى