حقيقة تصريح وزير النقل بصناعة قطار يقوم بمفرده حين ينقلب

– بعد حادث قطار البدرشين، انتشر بشكل كبير جدًا، خبر عليه لوجو جريدة الوطن بيقول: “وزير النقل: هنصنع قطار لو اتقلب يقوم لوحده الوطن”.

ساخر

– الخبر مفبرك. الوزير مقالش كده.✅✅

– الحقيقة بنحاول نتعامل مع الأخبار دي بسخرية لكن بنلاقي ناس بتصدقها.

– مفيش أي تصريح للوزير على موقع الوطن أو أي موقع صحفي تاني قال فيه الكلام ده. وآخر التصريحات اللي نشرتها الوطن عن وزير النقل كانت: “وزير النقل يتجه إلى موقع حادث قطار البدرشين”، “بالصور| وزير النقل يتفقد موقع حادث قطار البدرشين”، “وزير النقل: نطور قطارات “خردة” تخدم منذ 50 عاما لضيق اليد”، “النقل: تشكيل لجنة للتحقيق في حادث قطار البدرشين”، “وزير النقل عن حادث البدرشين: من فضل ربنا إن مفيش وفيات”.

– واضح إن الخبر مفبرك بحرفية، يعني فونت الخط ده هو اللي بتستخدمه الوطن، وكمان مفيش أخطاء إملائية زي عادة المفبركين، والحل للتأكد من محتوى الخبر في الحالة دي هو البحث عنه على موقع الجريدة المنسوب ليها.

– لاحظنا اليومين اللي فاتوا انتشار أخبار مفبركة منسوبة لجريدة الوطن، فيا ريت نخلي بالنا.

المصدر
الخبر المفبرك المنتشر:الخبر المفبرك المنتشر:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى