حقيقة تعليق السيسي على انقطاع الكهرباء في العريش

– من ساعات صفحة سيناء 24 News على فيس بوك نشرت مقطع فيديو قصير على اعتبار إنه “أول تعليق من السيسي على انقطاع الكهرباء 3 أيام في العريش”.

زائف

– لكن الحقيقة إن الكلام اللي في الفيديو مقتطع تمامًا من سياقه الحقيقي، لأنه الفيديو كمان قديم من يوم 26 أبريل 2017 خلال المؤتمر الثالث للشباب في الإسماعيلية.✅✅

– وفي اللحظة اللي تم اقتطاع الفيديو فيها كان السيسي بيعلق على تردي الأوضاع المعيشية وعدم شعور المصريين بالتحسن. وقبل على طول قال كلمته الشهيرة: “الأخطر منه (الخلل في مؤسساتنا) إن انتم ما تعرفوش، ولما ما تعرفوش تتحركوا، ولما تتحركوا تهدّوا بلدكم، ولما تهدّوا بلدكوا تضيع”.

– بالتالي التعليق المُصاحب للفيديو المنشور على صفحة سيناء 24 News وربطه بأن كلام للسيسي عن انقطاع الكهرباء في العريش غير صحيح.

– كمان بوست الصفحة منشور امبارح، في حين إن السيسي مظهرش من فترة في لقاء مباشر على التليفزيون غير النهاردة خلال افتتاحه لمستشفى المنوفية العسكري.

– ده لا ينفي حقيقة إنه فيه بالفعل انقطاع للكهرباء في العريش من 4 أيام على الأقل، بالتزامن مع انقطاع مياه الشرب.

– الكلام ده أكده مسؤولين خلال الساعات الأخيرة، زي العميد أسامة الغندور، سكرتير عام محافظة شمال سيناء، اللي قال إن عمليات إصلاح خطوط الكهرباء ستستغرق ما بين 7 إلى 10 أيام.

المصدر
بوست الفيديو المقتطع من سياقه
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى