حقيقة توزيع صدقات على روح الرئيس الأسبق مبارك

– الكلام ده غير صحيح. دي صفحة مفبركة، والرابط الموجود مع البوست هو وهمي يقود إلي لينك التسجيل في ماسنجر فيسبوك، علاء وجمال مبارك لم يعلنا عن تقديم صدقات على روح والدهما بهذا الشكل.✅✅
– الصفحة دي صدقات مبارك تأسست يوم 8 سبتمبر، وعلاء مبارك لم ينشر أي شيئ عنها على حسابه الموثق على موقع “تويتر”.✅✅
– “علاء”، رد قبل كده على شخص سأله عن حقيقة رسالة بتقول إنه “يتم توزيع مبلغ 100 ألف جنيه صدقة على روح الرئيس الأسبق محمد حسني مبارك”، وقال إن ده “احتيال”.✅✅
– بعض الصفحات تلجأ لوسائل احتيال زي دي عشان تزود حجم التفاعل معاها وعدد الإعجابات بشكل سريع، أو بهدف جمع بيانات الأشخاص اللي بيضغطوا على الرابط المرفق مع البوست، في حال انه كان تسجيل في حاجة، أملًا في مكسب سهل.