حقيقة خطورة تناول الموز والفراولة مع اللبن

– بوست منتشر بشكل كبير جدًا بيقول: “كل ما اجي اتكلم مع حد وأقوله بلاش موز باللبن أو فراولة باللبن أو أي فاكهة فيها اكسالات مع اللبن يتريق عليا ويتستهتر بالموضوع واجي أوضح انها بتتجسم على هيئة حصوات ومش بتدوب في المايه يستهتروا… اللي في الصورة دي حصوات اكسالات الكالسيوم من مثانة شخص أربعيني”.

زائف

– الكلام ده غير حقيقي وغير علمي. تناول الأطعمة اللي فيها كالسيوم زي اللبن مع الأطعمة اللي فيها اوكسالات زي الموز والفراولة مفيد وصحي. وبالعكس، كتر تناول الأطعمة اللي فيها اوكسالات بدون تناول أطعمة غنية بالكالسيوم هو اللي بيكون سبب في تكوين الحصوات دي.✅✅

– الاوكسالات هي مادة كيميائية طبيعية موجودة في أطعمة كتير زي الموز والفراولة والسبانخ والبامية واللوز والكاجو والبطاطس المقلية. وأحجار اوكسالات الكالسيوم بتتكون من اتحاد الكالسيوم في البول مع الاوكسالات، وبتنتج لما يكون نسبة الاوكسالات في الجسم عالية جدًا مقابل قلة نسبة الكالسيوم، لكن تناول أطعمة غنية بالكالسيوم في نفس الوقت بتساعد الجسم على التعامل مع زيادة الاوكسالات وعدم تحولها إلى حصوات كلى.

– الدكتور هاني الناظر، رئيس المركز القومي للبحوث السابق، أكد أكتر من مرة إنه لا خطورة إطلاقًا من تناول الموز بعد اللبن، وإن دي من نشر الخزعبلات اللي بتأدي لنشر الخوف والجهل والبلبلة بين الناس. Hany Elnazer

– الشائعة دي بتنتشر من وقت للتاني، مرة أكل الموز مع اللبن خطر، ومرة أكل البيض مع اللبن خطر، ومرة الشاي باللبن يسبب الفشل الكلوي، لكن كل الكلام ده لا أساس له من الصحة.

– الصورة المنشورة مع البوست بالفعل لحصوة اكسالات كالسيوم، وهي قديمة منشورة من 2015، لكن ده مش دليل على إنها بسبب تناول الموز باللبن.

المصدر
البوست المنتشر:

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى