حقيقة رفض السيسي تطوير السكة الحديد

– حمزة زوبع قال، في حلقة امبارح من برنامج “مع زوبع” المذاع على قناة “مكملين”، إن الرئيس عبدالفتاح السيسي رفض يطور السكة الحديد. وقال: “اذا جينا نقولك على مشروع السكة الحديد رفضته، وقولت مش هحط فلوس لو حطيتهم في البنك أحسن لي، ورفض تطوير السكة الحديد”.

زائف

– الكلام ده غير صحيح. السيسي لم يرفض تطوير السكة الحديد، وفيه مشروع قائم لرفع كفاءة السكك الحديدية، وتطوير الإشارات واستبدال الجرارات وعربات القطارات القديمة. ✅✅

– كلام زوبع يعتمد على فيديو مجتزأ من سياقه منتشر من سنة 2017، بيقول فيه الرئيس: “تقولي أصرف 10 مليار عشان أكهرب وأعمل ميكنة، الـ10مليار دول لو أنا حطيتهم في البنك، لو خدت عليهم فايدة 10% يعني مليار جنيه، ولو بالوضع الجديد الموجود دلوقت بسعر الفايدة، يبقى 2 مليار جنيه”.✅✅
AbdelFattah Elsisi – عبد الفتاح السيسي
– لكن لما نسمع مداخلة السيسي كاملة، واللي كانت خلال عرض خطة تطوير السكة الحديد، هنلاقي الرئيس بيتكلم عن ارتفاع تكلفة التطوير، وبيطالب الناس بعدم الاعتراض على رفع أسعار الخدمات وتحمل جزء من التكلفة لأن التطوير مكلف جدًا. ✅✅(الفيديو الكامل في المصادر)

– خطة تطوير السكة الحديد مُخصص لها 142 مليار جنيه حتى عام 2024، أنفق منهم 40 مليار جنيه حتى الآن، وجاري تنفيذ مشروعات بقيمة 46 مليار جنيه، بحسب وزير النقل الفريق كامل الوزير.
وزارة النقل المصرية
* ضمن الخطة دي، أعلنت وزارة النقل، خلال الفترة الماضية، عن استيراد عربات قطارات وجرارات وتحديث نظم إشارات، على سبيل المثال⬇️⬇️:
* مارس الماضي، الوزارة أعلنت عن الانتهاء من مشروع تحديث إشارات خط سكة حديد القاهرة الإسكندرية بنسبة 74%.

* الأسبوع الماضي، وصل ميناء الإسكندرية 20 جرار سكة حديد، وقبلها كان وصل 50 جرار، ضمن صفقة توريد 110 جرار سكة حديد جديد من شركة جينرال إليكتريك الأمريكية.

*كمان وصل 22 عربة درجة ثالثة ضمن صفقة تصنيع وتوريد 1300 عربة جديدة من روسيا.

المصدر
تصريحات حمزة زوبع عن السكة الحديد (الدقيقة 8)
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى