حقيقة رقص العاملين في مستشفى السلام الوطني

– الفيديو قديم، تم التلاعب في أصواته، بتركيب مهرجان شعبي على المشاهد اللى ظاهرة فيه، رغم إن الصوت الطبيعي في الفيديو الأصلي عبارة عن طبل ومزمار بس.✅✅

– الفيديو الأصلي اللى بيرجع ليوم 28 مارس الماضي، لما قرر مجموعة من العاملين والمواطنين في مستشفى القوصية المركزي بمحافظة أسيوط، الاحتفال بأجواء الانتخابات الرئاسية الأخيرة في اليوم التالت للتصويت.

– بالنسبة لتركيب الصوت، كمان لو ركزنا شوية هنلاحظ إنه في الثانية 8 من الفيديو كان فيه مواطن يرتدي جلابية وبيرقص خلال عزف السلام الجمهوري، وده تصرف شوية غير مألوف، خاصة إنه بدأ الرقص قبل مقطع المزيكا الراقصة اللى اتركب ع الفيديو ما يشتغل.

– موقع فيتو كان نشر تقرير وقت ظهور الفيديو الأصلي للمرة الأولى على الإنترنت خلال انتخابات الرئاسة في مارس الماضي، وشرح قصته وازاي إنه من مستشفى القوصية.
لكن قرار وزيرة الصحة بعزف النشيد الوطني اطبق فعلا في عدد من المستشفيات.