حقيقة رقص عمرو وردة بعد خروج مصر من كأس العالم

– من أبرز الفيديوهات المنتشرة لعمرو وردة، فيديو ظهر فيه بيغني وماسك رق، لكن فيديو مقتطع من سياقه، خاصة إنه تم اقتطاع الجزء الأول منه لما كان مع زملائه في فريقه “باوك” اليوناني.. وبالأساس كانوا بيغنوا أغنية “Melachrinaki” في إعلان لصالح إحدى شركات المراهنات الرياضية، وده كان بمناسبة عيد الحب اللي فات 14 فبراير 2018.✅✅

– أما الفيديو التاني، فظهر فيه عمرو وردة وهو ماسك مايك وبيغني ووراه فرقة موسيقية داخل مكان ما، واتوجه له انتقادات شديدة بسببه بدعوى إنه راح يحتفل بعد خروج مصر من المونديال.✅✅

– لكن الحقيقة إن الفيديو قديم من 12 مارس الماضي خلال وجوده في مكان بمدينة سالونيك اليونانية.. وكان فيه بيغني واحدة من الأغاني الشهيرة في اليونان.

– كمان عمرو وردة قال في تصريحات لصحيفة “الشروق” إن واحد من الفيديوهات المتداولة قديم برضو لما كان بيحتفل بفوز فريقه اليوناني ببطولة الكأس، وإن اللى حصل هدفه تشويهه.