حقيقة سرقة رحالة صيني في مصر

– بوست منتشر بيقول إن “صيني زار 139 دولة حول العالم بدراجته النارية ولما وصل مصر” اتسرقت منه.

زائف

– الكلام ده غير صحيح✅✅.

– الشخص اللي في الصورة موديل إعلانات.

– ناشر البوست استعان بصورة قديمة بتتباع على مواقع الوكالات المصورة، الصورة ظهرت على الإنترنت للمرة الأولى في 25 يناير 2017، واتنشرت على موقع “Alamy” للصور، وده عبارة عن موقع يمكن من خلاله تبيع صورك أون لاين.

– وكالة “Getty Images” – من أكبر وكالات الصور في العالم- كشفت المكان اللى التقطت فيه الصورة (بكين – الصين)، يعني مش في مصر.. وده وضح أكتر لما بان إنه الصورة كانت ضمن ألبوم صور تانية ظهر فيه موديلز تانيين.

– كمان اتضح إن البوست ده بيتكرر وبيتغير اسم الدولة فيه مع تغير جنسية صاحب البوست، يعني ممكن تلقاها بالنص منشور في سوريا ولبنان والمغرب.

– لكن من خلال بحثنا الدقيق عرفنا إن نص البوست ظهر لأول مرة في اليمن الساعة 10:07 من مساء يوم 14 مارس الماضي، وكتبه يمني بعيش في مدينة نيويورك.

– كمان البوست صاحبه متكلمش عن تاريخ ولا ولا نشر رابط للواقعة، في حين إنه من خلال بحثنا مفيش أي جرائم حصلت ضد صينيين خلال وجودهم في مصر بالفترة الأخيرة.

المصدر
بوستات متداولة في مصر: بوستات متداولة في اليمن: الأردن:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى