حقيقة شفاء السيدة “المشلولة” التي التقت السيسي

– فيديو منتشر بشكل كبير جدًا من قناة “مكملين”، بعنوان: “معجزة السيسي.. الست المشلولة مشيت”، وهو عبارة عن مقطعين فيديو للسيدة اللي التقاها الرئيس السيسي خلال زيارته الأخيرة لأمريكا؛ واحد من المقطعين دول السيدة قاعدة على كرسي متحرك وبتكلم السيسي، والتاني كانت واقفة على رجلها وبتعبر عن فرحتها بلقائه. و”مكملين” بتقول إنها كانت مشلولة لكن “معجزة السيسي .. مسح للست على وشها فقامت مشيت

زائف

– الكلام ده غير صحيح. الست اسمها سهام نصار، وهي مش “مشلولة” ولا حاجة ومحدش قال إنها قعيدة، دي عندها سرطان في الكبد. ومقطع الفيديو اللي اتكلمت فيه مع السيسي شكرته فيه على حملة “فيروس سي”، وقالت له إنها أصيبت بالفيروس وبعدين جالها سرطان في الكبد.✅✅
– كمان لو أخدنا بالنا، فالكرسي المتحرك اللي هي قاعدة عليه، مش كرسي متحرك من العادي، لكنه أقرب ما يكون لكرسي راحة.

– السيدة سهام نصار كانت رئيسة جمعية “تنمية جيل الغد بطنطا”، وكرمت سابقًا باعتبارها “أم مثالية”، وبحسب كلامها فهي سافرت أمريكا عند بنتها من فترة عشان تتعالج بعد فشل الأطباء في مصر في تشخيص مرضها بشكل صحيح.

المصدر
فيديو قناة مكملين:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى