حقيقة صورة الفيل وشبل الأسد

– في الأيام الأخيرة، حصلت صورة على أكتر من 200 ألف ريكاشن وتفاعل، الصورة بتظهر أسد وفيل ماشيين جنب بعض والفيل شايل شبل الأسد على خرطومه أو زلومته بسبب تعبه نتيجة ارتفاع درجات الحرارة. ورغم عدم منطقية الصورة لكنها انتشرت بكثافة كبيرة.

زائف

– لكن الحقيقة إن الصورة غير صحيحة تمامًا وتم التلاعب فيها بشكل كبير من خلال برنامج “فوتوشوب”. ✅✅
وهنا هنوضح في نقاط قصتها:
– الصورة المزيفة اتنشرت على الإنترنت للمرة الأولى في فبراير 2017، لكن مع حلول يوم 1 أبريل 2018 (كدبة إبريل)، أعادت نشرها صفحة مُهتمة بالحياة البرية مرة تانية، وحتى الآن حصلت على أكتر من 120 ألف لايكس وشير.

– الصورة المزيفة من وقتها بيعاد نشرها في صفحات مختلفة، وفي كل مرة بيتم التفاعل معاها بكثافة، آخرها كانت من أيام، وهو البوست اللى تفاعل معاه مصريين كتير.

– أما أقدم نسخة من الصورة الأصلية للفيل فكانت منشورة على موقع موسوعة ويكيبديا، من يوم 20 أغسطس 2005. وكانت لفيل ماشي لوحده في حديقة كروجر الوطنية في جنوب إفريقيا.

* كمان لو ركزنا شوية، هنلقى إن شبل الأسد المحمول على خرطوم الفيل من المفترض إنه يكون له ظل منعكس لجسده. صانع الصورة نجح في عمل ظل مناسب للأسد الكبير لكن فشل في صنع ظل مناسب للشبل اللى مفروض كان يكون له ظلام لجسده.. ولو ركزنا أكتر في صورة الأسد والشبل هنلقى إنه حجم الإضاءة مختلف على جسدهم عن الفيل (العنصر الحقيقي اللى في الصورة).

المصدر
البوستات الكاذبة:البوستات الكاذبة:

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى