حقيقة طباعة صورة ترامب على ممسحة الأحذية

– فيديو منتشر علي صفحات مصرية، منشور من 6 شهور، وبيعاد تدويره من وقت للتاني، بيقول إن “رئيس وزراء استراليا يطبع صورة ترامب على ممسحة الأحذية ويشهرها في مؤتمر صحفي”.

زائف

– الفيديو قديم من فبراير 2017، وده مش رئيس وزراء أستراليا، ده نائب في البرلمان الأسترالي اسمه نيك كزينوفون، وهو ماسك بالفعل في إيده “ممسحة أحذية” مرسوم عليها وش الرئيس الأميركي، دونالد ترمب، ومكتوب عليها “أستراليا ليست ممسحة أرجل لك”.✅✅

– النائب الأسترالي عمل كده احتجاجًا على توبيخ ترامب ومعاملته لرئيس وزراء أستراليا بطريقة مش كويسة خلال مكالمة تليفونية.

– المكالمة كانت عن اتفاقية إعادة توطين اللاجئين الموقعة بين البلدين، وكان المفروض تستمر لمدة ساعة، لكن ترامب وبخ رئيس الوزراء الأسترالي وأنهى المكالمة فجأة بعد 25 دقيقة، وطلع بعدها ترامب قال إنه “هيعيد دراسة الاتفاق الغبي ده”.

– لو حد بيعرف إنجليزي وركز مع التعليق اللي على الفيديو هيلاقيه بيقول إن الموجود في الفيديو سياسي أسترالي، وإن اللي عمله ده رسالة احتجاج لترامب.

المصدر
الفيديو المنتشر:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى