حقيقة عدد الطلاق في مصر

– ناس كتير بعتت تسألنا عن بوستات كتير منتشرة بتقول إن مصر حصل فيها 700 ألف حالة طلاق في 2017، وناس بتشيّر الرقم على إنه مفزع وصادم

زائف

– الرقم ده مش حقيقي، عدد حالات الطلاق في مصر المسجلة سنة 2017 هما 190 ألف و32 حالة، وده رقم أقل شوية من عدد 2016 اللي اتسجل فيه 192 ألف و79 حالة، بحسب الجهاز المركزي للإحصاء.✅✅✅

– كمان عدد حالات الزواج المسجلة في 2017 هي 909 ألف و881 حالة، في حين إن في 2016 كان عدد المتزوجين أكبر شوية 938 ألف و526 حالة.

**طيب رقم 700 ألف ده جه منين؟ 👇👇

– الرقم ده هو عدد كل المطلقين في مصر، بحسب التعداد السكاني لمصر اللي صدر في 2017. يعني دول كل أعداد المطلقين في مصر على مدار السنين اللي فاتت مش في 2017 بس.✅✅

– التعداد قال إن عدد المطلقين في مصر 711 ألف و347 حالة، مقتسمين بين 249 ألف و644 رجل و461 ألف و703 سيدة.

– الإحصاءات الدولية كمان مش بتحط مصر بين أعلى 20 دولة فيها نسبة طلاق مقابل عدد السكان. دول زي روسيا، وأمريكا والدنمارك فيها نسب أعلى.

– دولة عربية زي الأردن نسبة الطلاق فيها أكتر من مصر، معدل الطلاق في الأردن 2.6 حالة لكل 1000 شخص، في حين إنه في مصر المعدل 1.9 حالة لكل 1000 شخص.

المصدر
- البوستات المنتشرة:- البوستات المنتشرة:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى