حقيقة فيديو إسلام جون ماكين

– فيديو منتشر بشكل كبير جدًا (66 ألف شير في نسخة واحدة) لشخص يعلن إسلامه، مع تعليق: “وزير الدفاع الأمريكي السابق جون ماكين يعلن عن إسلامه قبل وفاته في سلطنة عمان وتم التكتيم عليه”.

زائف

– الكلام ده غير صحيح. جون ماكين مات سنة 2018، وكان مسيحي الديانة ومراسم جنازته كانت في الكنيسة المعمدانية في مدينة فينيكس بولاية أريزونا.✅✅

– ماكين مكنش وزير دفاع أمريكا في أي وقت من الأوقات، ده كان عضو في مجلس الشيوخ الأمريكي.✅✅

– الشخص اللي ظاهر في الفيديو مش هو جون ماكين، ومش حد معروف، ده شخص بيعلن إسلامه عادي.✅ ✅

– الفيديو اتنشر أول مرة على السوشيال ميديا في منتصف مارس 2018 بعنوان “أمريكي يدخل الاسلام في سلطنة عمان ويبكي فرحا”، وبعدها اتألف عليه روايات كتير، زي إنه فيديو لإسلام بيل جيتس، مؤسس شركة مايكروسوفت، أو إنه فيديو لإسلام “جون فورد أغنى رجل في العالم”، رغم إن فورد كان مخرج أيرلندي ومات سنة 1973.

– سبق وكتبنا عن نفس الفيديو في يونيو 2018، لكن الإشاعة بيتم إعادة تدويرها كل فترة.

المصدر
البوستات المنتشرة:البوستات المنتشرة:

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى