حقيقة وجود دهن خنازير في بسكويت أوريو

– بوست منتشر بشكل كبير جدا، وناس كتير بعتولنا يسألوا عن تويته منتشرة من حساب بيسأل أكونت “أوريو” OREO هل منتجاتهم مناسبة لاستهلاك المسلمين، و الحساب الرسمي لأوريو قال لأ مش حلال، وبعدها مسح التويتة الي كانت انتشر سكرين شوت منها في كل مكان، وأثارت لغط كبير بين المسلمين والعرب في كل مكان. وانتشرت بوستات إن البسكويت مكوناته فيها دهن خنازير وكحول.

زائف

– الكلام ده مش صحيح، المنتجات الموجودة في الأسواق العربية والإسلامية حلال ومطابقة للمواصفات بحسب توضيح للشركة المنتجة.

– في مصر بحسب قاعدة بيانات الهيئة العامة للمواصفات والجودة، بينتج بسكويت أوريو، موندليز ايجيبت فودز (العاشر من رمضان)، ومنتجاتها حاصلة على علامة حلال.
– وبخصوص دول الخليج، المتحدث باسم “”Mondelez International الشركة المنتجة والموزعة للبسكويت في دول الخليج قال لصحيفة Gulf News@: إن منتجات Oreo المباعة في هذه المنطقة حلال ومتوافقة مع القوانين واللوائح المحلية.

## حكاية إنه مش حلال جت منين؟
– المتحدث باسم الشركة وضح إن الجزء الخاص بأنه غير حلال مقصود بيه المنتجات المباعة في “الولايات المتحدة وكندا ودول أوربا”، وده اللي موجود على صفحة الأسئلة في موقع الشركة واللي محدد فيه البلاد الخاصة بالموقع وهي دول أوربا والولايات المتحدة الأمريكية، وكمان على موقع تويتر ذكروا ده في إجابتهم على أسئلة المتابعين ( اللينك في المصادر).

إزي تعرف إن المنتج حلال ولا لأ؟
– في تطبيق اسمه Scan Halal، تقدر من خلاله تعرف أي منتج غذائي إن كان حلال ولا لأ، بمجرد ما تعمل سكان للبار كود الموجود على المنتج ، بناء على المكونات التطبيق بيقولك إن كان حلال ولا لأ.
شكرا للأستاذ مصطفى إسكندر Mostafa Iskander، لأنه كتب بوست فهمنا كتير من القصة 🙂

المصدر
التغريدة المنتشرة:التغريدة المنتشرة:

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى