ظهور أخطر حشرة في العالم بالمعادي

– الكلام ده كله اشاعة كاذبة تماما❌❌.

– وزارة الصحة نفت الكلام ده، وقالت إن أصل الموضوع هو تلقي قطاع الطب الوقائي بلاغ عن الموضوع، وشكلت لجنة طبية أظهرت إن الحالة لشاب يعاني من إعاقة ذهنية، وكان متغيب عن البيت لـ5 أيام، ولما لقوه كانت حالته سيئة من ناحية النظافة العامة، ومصاب بالحشرة دي.✅✅

– بفحص الحشرة تبين إنها حشرة “القمل” العادية واللي بتتواجد في الأماكن غير النظيفة، يعني مش حشرة غريبة ولا حاجة.
– وزارة الصحة كمان قالت إن الشاب حصل على العلاج المناسب ومن المنتظر أن يتعافى خلال 10 أيام.

– “القمل” هي حشرات صغيرة بتعيش على جسم الإنسان خاصة بأماكن الشعر وتتغذى على دمه، وتؤدي لحكة الشديدة وجروح صغيرة، علاجها بيكون عن طريق الاهتمام بالنظافة وغسل الملابس بمياه ساخنة للتأكد من تطهيرها، وفي بعض الحالات الأطباء بيوصوا باستعمال بعض المراهم والكريمات.