مصر أكثر بلد في العالم بها أحزاب

– الإعلامي أحمد موسى احمد موسى – على مسئوليتي قال امبارح ان مصر في مرحلة إن يكون عندنا حزبين أو تلاتة بس، وان ده “الطبيعي في أي بلد”، وإن أي بلد كبيرة عاوزة يبقى فيها انتخابات بيكون فيها بس حزبين تلاتة، وإن كل دول العالم فيها حزبين أو تلاتة بينافسوا بعض، وإن “مفيش بلد فيها 104 حزب غيرنا”.

زائف

– الكلام ده مش حقيقي، فيه بلاد كتير في العالم فيها أحزاب أكتر من العدد ده بكتير، لأن كتير من دول العالم الكبيرة والديموقراطية مش بتحط شروط صعبة لتأسيس الأحزاب.

– دولة زي أسبانيا فيها أكتر من 4700 حزب والعدد في زيادة، أما الهند مثلًا فيها حوالي 2044 حزب مسجل، منها أحزاب كبيرة ممثلة في البرلمان والبلديات ومنها أحزاب أصغر غير ممثلة✅✅.

– وفيه دول تانية مش بتنشر حصر لعدد الأحزاب الموجودة لأن طول الوقت فيه أحزاب بتتأسس أو أصحابها بيقرروا حلها.

– بشكل عام معظم دول العالم اللي بتمارس الديموقراطية والانتخابات فيها عدد كبير من الأحزاب، أمريكا على الرغم من إن نظامها السياسي معتمد على الحزبين الديموقراطي والجمهوري، لكن مفيش قوانين تمنع تأسيس الأحزاب الجديدة، وفيه عشرات الأحزاب في أمريكا غير ممثلة في الكونغرس لكن بتمارس نشاطها السياسي بطرق مختلفة وبعضها بيكون له مرشحين في الانتخابات زي الحزب الأخضر، ودول ديموقراطية تانية زي ألمانيا مثلا فيها 34 حزب اتنافسوا في الانتخابات الأخيرة.

المصدر
- أحمد موسى: «مفيش بلد في العالم عندها 104 أحزاب غير مصر»:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى