حقيقة وجود وكلاء للقبول بالجامعات الأهلية في مصر

-الكلام ده غير صحيح. وزارة التعليم العالي نفت تفويض أي مؤسسة في تلقي طلبات التقديم من الطلاب الراغبين في الالتحاق بالجامعات الأهلية الجديدة، وأكدت إن الكلام ده لا أساس له من الصحة، وإنها ستتخذ كافة الإجراءات القانونية ضد من يقوم بالترويج لنفسه وإطلاق الشائعات على غير الحقيقة.✅✅ وزارة التعليم العالي والبحث العلمي المصرية

– كمان التقديم للجامعات الخاصة والأهلية، بيكون كل التفاصيل عن شروط القبول وكيفية التقديم والمصروفات متاحة على مواقعهم الرسمية، ويمكن الاتصال بالأرقام المتاحة علي المواقع دي للاستفسار بسهولة، يعني مش محتاج وكيل ولا حد يوفر لك مكان بمقابل مادي.✅✅

– صفحة “Admission Land” تم تأسيسها في فبراير 2016 باسم “الطبيب”، وفضل ده اسمها لحد ما اتغير بشكل مفاجئ في 20 يوليو الماضي، مع انتهاء امتحانات الثانوية العامة وبداية التقديم للجامعات، وبقى “Admission Land”. الصفحة بدأ النشر عليها بتاريخ 21 يوليو 2020، لكن كانت بتنشر البوستات بتواريخ قديمة ترجع لعام 2016 عشان يبان إنها صفحة قديمة مش جديدة، وده ممكن يدي الناس ثقة أكتر فيها، وتظهر علامة تعديل التاريخ علي البوستات دي.✅✅
Admission Land
– الفيديو الترويجي اللي عمله باسم يوسف للمكتب مش دليل على إنه مكان موثوق. كتير من المشاهير بيعملوا فيديوهات دعاية وإعلان لجهات او سلع أو أشخاص بمقابل مادي، وباسم يوسف عامل حساب على موقع زي “starzly” وغيرها وهي مواقع المشاهير حول العالم بيعملوا عليها حسابات عشان يقدموا خدمات (دعاية – تهنئة بعيد ميلاد – شكر – رسائل خاصة) بمقابل مادي محدد.✅✅