حقيقة انتماء صاحب شركة قطونيل للإخوان

– الكلام ده غير صحيح✅✅.

– صاحب شركة قطونيل باسل سماقية سوري الجنسية بالفعل وبيعيش في مصر مع عائلته من التمانينات، لكن مفيش أي اتهام رسمي له بالانتماء إلى الإخوان أو بتمويلها، وهو لم يعلن في أي وقت إنه ينتمي ليهم.

– باسل سماقية كمان بيشغل مناصب مهمة في مجتمع الأعمال السوري المصري، منها إنه عضو مجلس إدارة جمعية المستثمرين السوريين في مصر ونائب رئيس تجمع رجال الأعمال السوريين في مصر.

– البوست اللي بيتهم سماقية بإنه إخوان، بوست قديم من 2015 وبيعاد تدويره من وقت للتاني.

– باسل سماقية كان بيحتفل بزفافه من أسبوعين، وكان من ضمن الحضور القائم بأعمال السفير السوري بالقاهرة التابع لنظام الأسد، ومن المنطقي إنه لو إخواني مكنش هيحضر فرحه مندوب عن نظام الأسد.

– كمان كان من ضمن حضور فرح سماقية عدد كبير من الفنانين منهم عمرو دياب وراغب علامة، أحيته الراقصة جوهرة😀.