إزاي أعرف تفاصيل أكتر عن هوية أي موقع إلكتروني؟

– النهاردة تابعنا الخبر المنسوب لموقع “سبق” السعودي اللي نشرته وسائل إعلام محلية وعالمية عن إعفاء القنصل السعودي في اسطنبول من مهام منصبه.. وبعدين الناس اكتشفت إن اللي بث الخبر كان عبارة عن موقع مزيف اتعمل بشكل يشبه موقع “سبق”.
طيب في الحالة دي ممكن نعمل ايه؟

– فيه أدوات كتير بتساعدنا نعرف تفاصل أكتر عن الموقع اللي ناشر أي قصة، من خلال فحص بيانات تسجيل الدومين الخاص بالموقع.
– من الأدوات دي، ممكن نختار أداة “Centralops”، وهي موقعها بسيط، فيه خانة فاضية بنحط فيه رابط الموقع اللي حابين نتحقق من هويته.

– خلال ده الأداة بتعرض لنا تفاصيل عن مين الشخص اللي سجل دومين الموقع، ومن أي مكان سجله وعايش فين، وعلى أي سيرفر سجله، وفي أحيان كتير بيظهر رقم تليفون الشخص ده والإيميل الإلكتروني الخاص بيه.

– البيانات دي هيا اللي بيتم طلبها من أي شخص بيفكر يسجل دومين لأي موقع، بس بيكون فيه خيار إما يُظهر البيانات دي بحيث يشوفها أي حد أو يخليها مقصورة عليه بس.. عشان كده وارد متلقاش كل البيانات، بس الأكيد إنك هتلقى خيط يساعدك تعرف أكتر عن صاحب الموقع أو اللي سجله عامة.

** تقدروا تتابعوا متابعتنا لكيفية وقوع الصحف ووسائل الإعلام في خطأ نشر الخبر المزيف عن إعفاء القنصل السعودي من منصبه من خلال الرابط:

زائف

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى