حقيقة إغلاق مصنع مرسيديس بسبب ثورة يناير

– توفيق عكاشة قال في برنامجه “مصر اليوم” المذاع على قناة العاصمة، إن “هوجة 25 يناير دمرت اقتصاد الدولة… ودمرت صناعات لا حصر لها، ده مصنع مرسيدس اللي كان في مصر بتاع سامي سعد اتقفل وراح المغرب”.

زائف

– الكلام ده غير صحيح.✅✅

– خط تجميع سيارات مرسيدس في مصر اتقفل في مايو 2015، وسبب الإغلاق هو عدم وجود جدوى اقتصادية لاستمرار المصنع في مصر.✅✅

مصر وقعت اتفاقية شركة مع الاتحاد الأوروبي في 2001، وكانت بتنص على تخفيض مصر للجمارك المفروضة على السيارات الأوروبية المستوردة بشكل تدريجي 10% سنويًا، بحيث يتم إلغاء الجمارك بالكامل في آخر سنة 2019.

بدء تطبيق الاتفاقية دي على سيارات الركاب من يناير 2010، وبالفعل الجمارك بدأت تقل كل سنة 10% عن اللي قبلها، ومن المتوقع إن الجمارك هتوصل لصفر على السيارات الأوروبية في بداية 2020. وده خلى مفيش فرق في السعر بين إن مرسيدس تجمع السيارات محلي في مصر، وبين إنها تستوردها جاهزة علطول، بل على العكس التصنيع المحلي تكلفته بقت أعلى من التصنيع الخارجي الضخم، عشان كده مرسيدس قررت توقف تجميع سياراتها في مصر.

المصنع اتنقل الجزائر مش المغرب زي عكاشة ما قال. والجزائر قدمت تسهيلات كتير لمرسيدس ولشركات تانية عشان يفتحوا مصانع فيها.

المصدر
فيديو توفيق عكاشة:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى