حقيقة إلغاء مهلة الشهر لتجديد رخصة القيادة

– بوست منتشر بشكل كبير جدًا بيقول إنه “وزارة الداخلية الغت مهلة الشهر لتجديد الرخصة .. وكنتيجة لهذا، ناس كتير راحوا يجددوا قرب نهاية الشهر واكتشفوا وجود غرامة 40 جنيه على كل يوم تأخير من بعد ميعاد انتهاء الرخصة بتاعته”.

زائف

️- الكلام ده غير صحيح. إلغاء مهلة الشهر لتجديد رخصة السيارة بيتطلب تعديل قانون المرور، وده لازم بيتم بموافقة مجلس النواب ونشر التعديل في الجريدة الرسمية ومفيش أي مناقشة ولا تعديل للقانون صدر بالكلام ده.✅✅

– كمان لو الكلام على رخصة القيادة إلغاء مهلة الشهر بيتطلب تعديل اللائحة التنفيذية لقانون المرور ونشر التعديل في الجريدة الرسمية، وده محصلش. ✅✅

– اللي بينظم تجديد رخصة السيارة هو قانون المرور رقم 66 لسنة 1973 وتعديلاته، وبنص المادة 22 من القانون “يكون تجديد رخصة المركبة في موعد لا يجاوز الثلاثين يومًا التالية لانتهاء مدة الترخيص”، وتعديل المادة دي بيتطلب مناقشتها في البرلمان والموافقة عليها وتصديق رئيس الجمهورية على التعديل وده محصلش.
الصفحة الرسمية لوزارة الداخلية
– اللي بينظم تجديد رخصة القيادة هي المادة 279 من اللائحة التنفيذية لقانون المرور الصادرة بقرار رقم 1613 لسنة 2008، واللي بتنص على إن “يكون تجديد رخص القيادة المنصوص عليها في المادة 34 من القانون خلال الثلاثين يومًا التالية لانتهاء مدتها”. وعملية تعديل اللائحة بتتطلب صدور قرار من وزير الداخلية ونشره في الجريدة الرسمية، وده محصلش.

– آخر تعديل على لائحة قانون المرور كان في ديسمبر 2018 وكان خاص بوضع ملصق على السيارة به تاريخ انتهاء ترخيص المركبة، وشريحة إلكترونية تتضمن كافة البيانات المتعلقة بالمركبة (سنة الصنع – الطراز – الماركة – الشكل اللون – رقما الشاسية والموتور) ولوحاتها (الرقم – نوع الترخيص – الوحدة الترخيصية) ومالكها (الاسم والعنوان والرقم القومي، ورقم التليفون، والبريد الشخصي).

-حاليا البرلمان يناقش مشروع قانون جديد للمرور المقدم من الحكومة لكن لسه لم يتم الانتهاء منه وإقراره.

المصدر
البوستات المنتشرة :البوستات المنتشرة :
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى