حقيقة إلغاء يوم السبت كإجازة في المدارس والجامعات

– بوست منتشر على فيس بوك بيقول “التعليم: رسميا الغاء اجازة يوم السبت.. لجميع المدارس والجامعـات”، وتم التفاعل معاه بكثافة للأسف، رغم إن الكلام ده غير صحيح.

زائف

– وزير التربية والتعليم، الدكتور طارق شوقي، رد على الكلام ده وقال إن “الوزارة لم تتخذ أي إجراء تجاه إجازة يوم السبت، وإن قرار العمل يوم السبت من اختصاص المحافظة والمديرية، ولكن عدد الساعات ثابت سواء تم توزيعها على 5 أيام أو 6 أيام، وفقًا لقرار المحافظة”. ✅✅

– بناء على كلام الوزير المدارس اللي شغالة سبت هتفضل شغالة سبت واللي مش شغالة هتفضل مش شغالة ما لم تصدر المحافظة قرار بذلك.

– كمان سلطة وزير التربية والتعليم لا تمتد “للجامعات” وبالتالي ميقدرش يلغي إجازات في الجامعات، لأنه في وزير مسؤول عن التعليم العالي اسمه الدكتور خالد عبدالغفار.

– البوست مزيف تمامًا، اليوم السابع مكتبتش الكلام ده، والصورة دي معمولة بالفوتوشوب. والجريدة سبق وحذرت من صفحات بتنتحل اسمها.

– مش معنى إن البوست واخد نفس شكل أو تصميم بوستات الصحف إنه بالفعل خبر حقيقي.. حاولوا ترجعوا للموقع المنسوب ليه الكلام ده أو اعملوا سيرش بنفس نص الكلام المكتوب عشان تتأكدوا إذا كان حقيقي ولا لأ.

– كمان كتبنا نص البوست زي ما هو عشان لما تشوفوا بوستات من النوعية دي حاولوا تركزوا في الأخطاء اللغوية الكتير في الكلام المكتوب، زي “رسميا” بدل “رسميًا” و”الغاء” بدل “إلغاء” و”اجازة” بدل “إجازة”، لأن أغلبية اللي بيعمل أخبار كاذبة من النوعية دي مش مُلم كفاية بقواعد اللغة وبيراهن إثارة عواطف الناس فورًا عشان اللايكس والكومنتات أو أيًا كان الهدف.

المصدر
البوست الكاذب المتداول:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى