حقيقة براءه محمود نظمي من قت طفليه

– بوست متداول بشكل كبير، بيقول إن قصة مقتل الطفلين “ريان ومحمد” انتهت تمامًا، والداخلية “وصلت للقتلة الفعليين في هذه القضية وبالدليل القاطع وتم تبرئة الأب محمود نظمي من كل هذه التهم”.

زائف

– الكلام ده غير صحيح. النيابة أحالت محمود نظمي إلى محكمة الجنايات بتهمة قتل طفليه عمدًا مع سبق الإصرار، وأمر الإحالة فيها اعترافات محمود مفصلة. والقضية ماشية في اتجاه إن هو اللي قتلهم.✅✅

– منتشر مع البوست كمان مستند منسوب لمديرية أمن الدقهلية بيتكلم عن تورط مدير المباحث الجنائية السابق بالمحافظة العميد أحمد خيرى الشويح، وضباط آخرين في جرائم ومخالفات قانونية، بعضها متعلق بقضية آثار. وإن محمود نظمي والد الطفلين كان شاهد في القضية دي عشان كده الضباط الفاسدين دول قتلوا أطفاله وأجبروه على الاعتراف بقتلهم. لكن مفيش أي نفي أو تأكيد من وزارة الداخلية لصحة المستند المنشور إلى الآن، ومفيش كمان أي كلام عن التحقيق في صحته.

– بوست براءة محمود ده أول ما اتنشر كان منشور في صفحة شخص اسمه “كريم عز الدين محمد” بيدعي إنه ضابط شرطة، وبعد حصول البوست على أكتر من 20 ألف شير، قام الشخص ده بمسح البوست، وبرر ده بإنه إلتزام بقرار “معالي النائب العام بحظر النشر في قضية قتل الأب لأطفاله”، لكن الحقيقة إن مفيش أي قرار صدر بحظر النشر في القضية.

– إحنا مش بنأكد أو بننفي التهمة عن الأب المتهم بقتل طفليه، إحنا كل اللي بنقوله إن في كلام منتشر غير صحيح.

المصدر
البوست المنتشر ببراءة محمود؛البوست المنتشر ببراءة محمود؛البوست المنتشر ببراءة محمود؛
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى