حقيقة تقليد أسبانيا لمصر في منتدى شباب العالم

– أحمد موسى قال، في برنامجه “على مسؤليتي” المذاع على قناة “صدى البلد”، خلال تغطيته لفعاليات منتدى شباب العالم المنعقد في شرم الشيخ: “بالمناسبة، دول كبيرة قلدت مصر. آه قلدت مصر. عملوا منتدى شباب عالم زي مصر كده، بس مش بالأعداد بتاعتنا. مش بالأعداد بتاعتنا ومش بالنجاح بتاعنا. إحنا بدأنا كانت فكرة والنهارده الفكرة دي مسجلة باسمنا إن إحنا أول ناس عملناها. دول كبيرة، أقول أسبانيا، السنة اللي فاتت مهي عملت منتدى لشباب العالم. مع تقديرنا لأصدقائنا الأسبان، بس لا شرم الشيخ حاجة تانية”.

زائف

– الكلام ده غير صحيح. أسبانيا لم تقلد مصر، أسبانيا سبقت مصر بسنة.✅✅

– “المنتدى العالمي لقيادة الشباب” اللي بيعقد في أسبانيا بيتم تنظيمه من سنة 2016، في حين أول نسخة من منتدى شباب العالم بتاع مصر كانت سنة 2017، يعني بعد أسبانيا بسنة.✅✅

– “المنتدى العالمي لقيادة الشباب” هو منتدى للحوار والنقاش بين القادة الدوليون والشخصيات البارزة والخبراء ورجال الأعمال وممثلو مختلف البلدان والوكالات الدولية والقادة الشباب النشطاء من مختلف أنحاء العالم.

– المنتدى يحظى برعاية البنك الدولي والبرلمان الأوروبي ومكتب الأمم المتحدة المعني بالمخدرات والجريمة والحكومة الأسبانية وعدد من الشركات العالمية.

المصدر
كلام أحمد موسى (دقيقة 1:30)
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى