حقيقة جنسية والدة السيسي

-بيجي لنا أسئلة كتير عن إشاعة قديمة، بيعاد نشرها من وقت للتاني، بتقول إن والدة الرئيس عبد الفتاح السيسي يهودية مغربية واسمها مليكة

زائف

– الكلام ده مش حقيقي على الإطلاق. والدة الرئيس السيسي اسمها سعاد إبراهيم محمد، وهي مسلمة مصرية، واتوفت في أغسطس 2015 بعد تدهور حالتها الصحية✅✅.

– كمان عيلة الرئيس السيسي معروفة في حي الجمالية بالقاهرة، والده الحاج سعيد السيسي كان تاجر للأعمال الحرفية التقليدية زي الصدف والأرابيسك. والكلام ده اتنشر من بدري جداً قبل توليه الرئاسة، كان أشهره تحقيق عملته النيوزويك الأمريكية في أغسطس 2013 التقوا فيه بعيلته.

– اللي بيقول الكلام ده مش بيقدم أي دليل على كلامه، وبيقول كلام مرسل من نوعية إن فيه “صحف إسرائيلية كشفته”، لكن ده محصلش ولا اتنشر في صحف اسرائيلية ولا حاجة، وكدليل موثوق مفيش على الإطلاق .. وواضع من تاريخ بداية تداول الشائعة ومن المواقع والصفحات اللي نشرتها انه مرتبط بأغراض سياسية بعد ٣٠ يونيو 2013.

المصدر
مواقع نشرت الإشاعة من يوليو 2013:مواقع نشرت الإشاعة من يوليو 2013:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى