حقيقة خروج ديدان من العدس بعد طهيه

– صور متداولة بشكل كبير لعدس في حلة وحواليه حاجات بيضاء صغيرة، مع تعليق: “#تحذير_هام_جدا نزل منشور ان فى شحنة عدس مسرطنه وإن العدس نظيف وذى الفل بمجرد وضعه فى المايه السخنه بيظهر الدود كله رغم ان العدس ذى الفل فى البرطمان، طبعا احنا قولنا دى اشاعه، بس للاسف دى تجربه شخصيه العدس نظيف وذى الفل شوفوا بقى فى المايه الله اتملت دود”.

زائف

– الكلام ده غير صحيح، اللي ظاهر جنب العدس دي براعم منه مش ديدان.✅✅

– مفيش ديدان بتكون في قلب العدس من جوه، لو في حشرات أو ديدان بتكون ظاهرة من بره حواليه ومن قبل الطهي.

– اللي ظاهر حوالين العدس دي براعم عشان العدس “نبت”، ولو حد جرب وساب العدس منقوع شوية أو في مكان رطوبته عالية هيلاقيه بدأ ينبت. البراعم في البداية مبتكونش واضحة أوي، لكن لو قعدت يومين تلاتة هتظهر بوضوح وهتبقى كبيرة، فممكن العدس كان بدأ ينبت ولما اتغلى على النار البراعم بدأت تنفصل.

– العدس المنبت معروف، وفي ناس بتحب تعمله لان له فوايد غذائية وفيه نسبة فيتامينات عالية، وكمان فيه سعرات حرارية قليلة.

– مصر بالفعل بتستورد كل احتياجاتها من العدس من الخارج.

المصدر
البوست المنتشر:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى