حقيقة زيارة صلاح لراموس في الغردقة

– بوستات كتير متداولة بتقول إن نجم المنتخب وفريق ليفربول محمد صلاح، غادر معسكر المنتخب قبل مباراة جنوب أفريقيا وسافر الغردقة للقاء لاعب ريال مدريد سيرجيو راموس، اللي بيتفسح في عيلته هناك. وكمان إن اتحاد الكرة خبى غياب صلاح عن التدريب بإنه طلع بيان بيقول فيه إن صلاح “مصاب بنزلة برد”.

زائف

– الكلام ده غير صحيح. رجل الأعمال كامل أبو علي، رئيس جمعية الاستثمار السياحي بالبحر الأحمر، واللي مستضيف راموس، نفى أكتر من مرة صحة الكلام ده، وأكد إن كل ما يُنشر عن هذا الموقف لا أساس له من الصحة ولم يحدث إطلاقًا، وإنه شائعة. ✅✅

– كمان أكتر من مسؤول في المنتخب واتحاد الكرة، زي مدير منتخب مصر إيهاب لهيطة، نفوا صحة الكلام ده، وأكدوا إن “صلاح لم يغادر معسكر منتخب مصر على الإطلاق ولم يسافر الغردقة ولم يُقابل راموس”.

– من بين من نشروا الكلام ده كان الصحفي المصري محمد الجزار ده محلل في قنوات في “بي إن سبورت”، وقاله خلال تعليقه على هزيمة المنتخب في مباراة جنوب أفريقيا، لكنه مقالش مصدر المعلومة ولا قال دليل عليها.

– طبيعي لما كلام زي ده يظهر إن اللي بيقوله يدعمه بصورة من اللقاء أو بأي دليل عليه، لكن مفيش أي حد نشر صورة أو فيديو يؤكد بها كلامه.

– صلاح وراموس مش أصدقاء ومش معروف إن بينهم علاقات ودية، وسبق وكان بينهم تصريحات ممكن وصفها بـ”الحادة” على خلفية الإصابة اللي حصلت لصلاح في نهائي دوري الأبطال عام 2018 واللي كان راموس السبب فيها.

المصدر
البوست المنتشر:البوست المنتشر
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى