حقيقة صورة صلاح “الجارسون” في صحف بريطانيا

– صفحات رياضية كتير ناشره صورة لتصميم يظهر فيه محمد صلاح بيقدم فيه كأس بطولة أمم أفريقيا لعدد من اللاعبين مع تعليق بيقول إن “صحف إنجلترا تنشر هذه الصورة منذ قليل،، بعنوان الجرسون

زائف

– الحقيقة إن الصورة مش منشورة في صحف إنجليزية، عملها مُصمم مصري ونشره في صفحته على فيس بوك، اسمها Football Image : Seif Yasser Arts ، وهي لمصمم اسمه سيف ياسر.✅✅
– اللي حصل إنه بعض الصفحات أخدت الصورة وقصوا لوجو واسم الصفحة المكتوب على الصورة، وقالوا إن الصحافة الإنجليزية نشرت التصميم أو الصورة عن صلاح وهو بيهدي الكأس لنجوم المنتخبات الأربعة المتأهلة لنصف النهائي كأس الأمم الإفريقية.

– وفي وقت قصيرة انتشرت الصورة على صفحات وحسابات مختلفة، وكثير مننا صدقها، في وقت مفيش أي صحف إنجليزية نشرت ده، وفي نفس الوقت كانت أقرب للتصديق لأن لوجود الصفحة المصرية صاحبة التصميم الأصلي كان محذوف من عليها.

– الصفحة الأصلية صاحب التصميم نشرته امبارح بالليل الساعة 11:17 مساءً، في حين إن الصفحات اللى قالت إن الصحافة الإنجليزية قالت كده نشرت بعدها بفارق على الأقل من ساعة ونص لساعتين.

– واحدة من الصفحات اللي انتشر عليها التصميم بلوجو الصفحة الأصلية كانت صفحة مزيفة بتحمل اسم لاعب الأهلي السابق، عماد متعب. وزيها صفحة بتحمل اسم قناة نايل سبورت.

– وبعدها بفارق دقايق بسيطة صفحات تانية بنفس الكومنت ده (صحف إنجلترا تنشر هذه الصورة منذ قليل،، بعنوان الجرسون 👌).

المصدر
البوستات المنتشرة:البوستات المنتشرة:البوستات المنتشرة:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى