حقيقة صورة ماسورة المياه المليئة بالرواسب

– صورة منتشرة بشكل كبير لماسورة مياه مليئة بالرواسب باعتبارها من مصر، مع تعليق: “ماسوره من المواسير الي بتوصل المياه للمنازل بتتغير بسبب حدوث كسر بها 🙄🤔 لا حول ولا قوة إلا بالله #أسباب_الفشل_الكلوي”. ❌❌

زائف

– الصورة دي مش من مصر، دي من مدينة بانكوك عاصمة تايلاند ومن عام 2016. ✅✅

– الصورة تم تداولها في تايلاند عامي 2016 و2017، ووقتها هيئة مياه بانكوك طلعت بيان وقالت إن الصورة حقيقية من أبريل عام 2016 خلال تغيير أحد أنابيب المياه القديمة. وقالت إن سبب الرواسب دي جزيئات صغيرة موجودة في الماء لا ترى بالعين المجردة، بتلزق في بالأنبوب سنة ورا سنة حتى تصبح بالمظهر الصلب اللي واضح في الصورة، مما يتسبب في انسداد الأنبوب، أو ترسيب المياه منه أو انكسار الماسورة بسهولة.

– هيئة المياه أكدت كمان إن رغم بشاعة الصورة، فالمياه داخل الأنبوب جيدة، لأن الرواسب لا تأتي عبر الماء وبتلزق في الأنبوب، بالإضافة إلى إن في تطهير بالكلور يتوافق مع المبادئ التوجيهية لمعايير مياه الشرب لمنظمة الصحة العالمية. وقالت إنها أخدت عينات مياه من المنطقة اللي كان فيها الماسورة دي ولقيتها صالحة للشرب، ورحبت بالعلماء اللي عاوزين يبحثوا الموضوع.

– الصورة كمان كانت انتشرت عام 2018 على إنها من إيطاليا، لكن ده غير صحيح زي ما وضحنا.

– كلامنا ده لا يؤكد أو ينفي إن في مشاكل في نظافة مياه الشرب وأنابيبها في مصر، لكن فقط إحنا بنتكلم عن صورة منشورة غلط.

المصدر
البوست المنتشر:البوست المنتشر:البوست المنتشر:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى