حقيقة طرح سيارة كهربائية في مصر بـ 24 ألف جنيه ديسمبر المقبل

– صور منتشرة بشكل كبير جدًا لعربيات حجمها صغير جدًا، مع تعليق: “العربيه ف مصر ب 24 الف جنيه من بدايه شهر 12

زائف

– الكلام ده غير صحيح. العربية مش بـ24 ألف جنيه ولا حاجة، ومفيش أي معلومات عن نزولها السوق المصرية حتى الآن.✅✅

– أول من نشر صور العربيات دي هي صفحة تابعة لشركة تايلندية بتبيع عربيات كهربائية صغيرة اسمها “รถสามล้อ DT MOTOR”.➡️

– لما الناس سألت في التعليقات عن سعر العربية دي (فيها كرسيين زوجي أمامي)، الشركة قالت إنها لسه بتتفاوض للحصول على سعر كويس.

– نفس الشركة بتبيع عربيات كهربائية في نفس الحجم تحمل 3 أفراد (كرسي أمامي واتنين خلفي صغيرين)، وأقصى سرعة للعربية 30 كيلو/ ساعة، وشحن البطارية بتاعتها بيكفي 30 كيلو فقط (دي البطارية اللي بتيجي معاها لكن ممكن تشتري بطارية سعة أكبر).✅✅

– سعر العربية دى يبدأ من 98 ألف باهت تايلاندي = 52.5 ألف جنيه مصري، وده للعربية العادية اللي مش مكيفة، أما المكيفة سعرها 148 ألف باهت تايلاندي = 80 ألف جنيه مصري تقريبًا، وده قبل اي مصاريف في مصر. يعني مش بـ24 ألف جنيه ولا حاجة.✅✅

– مفيش أي معلومات منشورة تبع شركة “รถสามล้อ DT MOTOR” عن نزول العربية دي للسوق المصري الشهر الجاي.

– في سنة 2016 كان انتشر كلام عن إنتاج سيارة مصرية باسم “نانو إيجيبت” وبأسعار تتراوح بين 24 و42 ألف جنيه، وهي هتبقى سيارة مشابهة لسيارة هندية اسمها “تاتا نانو” كانت تعتبر أرخص سيارة في العالم، لكن جهاز حماية المستهلك قال إن الموضوع ده نصب واحتيال وتعود أصوله لسنة 2010، واللي طلع الموضوع ده اتقبض عليه واتحكم عليه بالسجن بتهمة النصب والاحتيال، وكمان توفي في السجن.

– حتى العربية “تاتا نانو” الهندية اللي بيروج لها باعتبارها أرخص عربية في العالم، الشركة المنتجة لها قررت وقف إنتاجها بسبب قلة الطلب عليها.

المصدر
البوست المنتشر:البوست المنتشر:البوست المنتشر:البوست المنتشر:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى