حقيقة ظهور 3 كواكب فوق الأهرامات

– صفحات كتير نشرت صورة انتشرت بكثافة، وقالت إن كواكب عطارد والزهرة وزحل ظهرت في شكل منتظم فوق أهرامات الجيزة، وإنها ظاهرة كونية بتحصل مرة واحدة كل 2373 سنة.

زائف

– غير حقيقة، الصورة المتداولة معدلة ببرنامج الفوتوشوب، وأول مرة تنشر على الإنترنت كان في 10 أبريل 2008.
الصورة الأصلية اتنشرت على مدونة صينية مهتمة بالآثار، وكانت الصورة خالية من “الكواكب” اللى تم إضافتها بالفوتوشوب للصورة المتداولة.✅✅

– المدونة كانت بتتكلم عن إن العلماء وجدوا من خلال خريطة تم تصميمها إن المصريين القدماء لما بنوا الأهرامات كانوا مهتمين تكون متسقة مع عدد من النجوم (الصغيرة الحجم بالعين المجرد مقارنة بالكواكب الكبيرة)، موجود طول الوقت ضمن مجموعة نجمية اسمها “كوكبة الدب”، وإن بناءها بالطريقة مكنش من قبيل الصدفة وإنما اتعملت كوسيلة للربط بين الأرض (النيل) والسماء (الجنة).

– كمان في مايو اللى فات “Snopes”، وهو موقع مهتم بالتحقق من المعلومات الخاطئة، قال إنه في 2012 بعض الناس شيروا نفس الصورة بنفس الرواية، إلا أنه أكد إنه رغم إنه حصل وقتها إن كواكب (عطارد والزهرة وزحل) وقعت على خط شبه مستقيم إلا إن ده محصلش في منطقة الأهرام.

– الموقع كمان قال إنه بحسبة ما استحالة الكواكب التلاتة تبان بالقدر ده من الاستقامة على خط واحد زي ما ظهر في الصورة، وإن الظاهرة اللى اتقال إنها بتحصل كل 2800 سنة حصل واقعة شبهها في 2007.

المصدر
البوستات المتداولة:البوستات المتداولة:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى