حقيقة عدم تغطية بي بي سي لمظاهرات بريطانيا

إمبارح الإعلامي أحمد موسى، في برنامجه “على مسؤوليتي” المذاع على “صدى البلد”، هاجم بشدة هيئة الإذاعة البريطاني بي بي سي، واتهمها بالانحياز ضد مصر لكنه استخدم معلومات غير صحيحة لإثبات الرأي ده.

 

1- أحمد موسى قال “بي بي سي أول امبارح، سابوا المليون، في مليون واحد نزلوا على مدى الأيام اللي فاتت في لندن.. المليون دول البي بي سي مكانتش شايفاهم وهما معديين من تحتها، مكانتش بتتكلم عليهم” .. “مظاهرة من أكبر التظاهرات اللي حصلت في لندن أو بريطانيا على مدى يمكن 10 و20 سنة اللي فاتوا، والبي بي سي، لم أمسك البي بي سي متلبسة بإذاعة دقيقة من هذه المشاهد… سايبين حريقة في بيتهم وماسكين في البلاد اللي حواليهم.. البي بي سي مغمضة عينيها في إطار المهنية وإطار الإعلام اللي هما بيخترعوه لينا.. البي بي سي لا ترى لا تسمع لا تتكلم إلا عن مصر. مبتشوفش غير مصر. حاطه مصر قدامها، إنما يحصل عندهم ده لأ”

زائف

* الكلام ده غير صحيح، بالعكس بي بي سي غطت المظاهرات بكثافة في التلفزيون ومواقعها بمختلف اللغات كمان مش الإنجليزية بس، يعني هيا قالت للعالم كله، واستخدموا رقم مليون متظاهر زي ما أحمد موسى قال بالظبط، وكمان التغطيات كان فيها عناوين حادة ضد تريزا ماي رئيس الوزراء.✅✅

* على سبيل المثال موقع BBC الرئيسي عنده قسم خاص بالمملكة المتحدة باسم “UK” (لينك في أول كومنت) هتلاقو فيه تغطيات للمظاهرات بأكتر من تقرير، أحدها تقرير طويل تضمن صور وفيديوهات، بعنوان “مسيرة بريكست: منظمو المظاهرات يقولون إن مليون شخص شاركوا فيها”.✅✅

* كمان بي بي سي العربية نشرت على موقعها تقرير مطول عن المظاهرات بعنوان “بريكست: “مليون شخص” شاركوا في مسيرة للمطالبة باستفتاء جديد على خروج بريطانيا من الاتحاد الأوروبي”، وذكرت فيه معلومات وفيديوهات وصور عن المظاهرات.
وكمان نشرت على صفحتها بالفيس بوك أكتر من فيديو وموضوع، منها متابعة يوم 26 مارس بعنوان “بريكست: البرلمان البريطاني يتولى إدارة الأزمة بعد فشل الحكومة”، وذكرت انتقادات لتريزا ماي بأن القرار ده بمثابة “صفعة جديدة لرئيسة الوزراء، تيريزا ماي، بعد فشلها في حشد دعم داخل مجلس العموم لاتفاق توصلت إليه مع الاتحاد”.✅✅

2- أحمد موسى قال كمان إن سبب سكوت بي بي سي عن تغطية المظاهرات دي هوا إنه “لو عمل كده هيقفلوهم، مهو الفلوس بتاعت الحكومة.”❌❌

الكلام ده غير صحيح، أغلب تمويل هيئة الإذاعة البريطانية بيتم من رسوم بتدفعها كل أسرة بريطانية عندها تلفزيون أو تشاهد بث مباشر عبر جهاز آخر، تحت مسمى “رخصة تلفزيون” TV licence، وفي جزء من تمويل بعض الخدمات جاي من جهات مانحة من ضمنها جهات حكومية في المملكة المتحدة، والمفوضية الأوروبية، والعديد من وكالات الأمم المتحدة، ومؤسسة بيل وميليندا غيتس، والوكالة السويدية للتعاون الإنمائي الدولي (SIDA) والمجلس الثقافي البريطاني. ✅✅

3- أحمد موسى قال كمان “تريزا ماي أمام تحدي كبير، وفي تقديري إنها تتحمل المسؤولية كاملة، ترايز ماي. هي اللي جابت بريطانيا الأرض، وهي اللي عملت هذا الأمر (البريكست)..”.❌❌

ودي برضه معلومة مش سليمة، الصحيح إن التصويت على الخروج من الاتحاد الأوروبي، تم في عهد رئيس الوزراء السابق ديفيد كاميرون، وكان أحد وعوده الانتخابية.✅✅

المصدر
فيديو أحمد موسى:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى