حقيقة فيديو معركة الكرتونة الغذائية

– فيديو منتشر بشكل كبير جدًا، باعتباره من مصر، لسيدات بيتقاتلوا للحصول على كراتين في مساعدات غذائية، مع تعليق: “انا لسه شايف الفيديو ده دلوقتى لاول مره. قسما بالله العظيم اتصدمت الستات بتضرب بعض علشان الكرتونه وبتوع الجيش واقفين بتفرجوا.وكأنهم مستمتعين بذلهم وقهرهم وحسبنا الله ونعم الوكيل”.

زائف

– الكلام ده غير صحيح. الفيديو مش من مصر. ومنشور على يوتيوب من مايو 2018. النسخة الأصلية من الفيديو بيظهر فيها الصوت بوضوح، واللي هيدقق في اللهجة هيلاقيها مش مصرية إطلاقًا، وكمان الزي اللي بيرتديه رجل الأمن الظاهر في الفيديو مش زي الجيش المصري.✅✅

– الفيديو ده كان انتشر في عام 2018، على إنه للاجئات بيتشاجروا على المساعدات الغذائية في الأردن، ووقتها نشر موقع “الوكيل” الإخباري، نقلًا عن مصدر أمني أردني، إن الفيديو قديم من 3 سنوات وتم تصويره في إحدى الدول العربية (من غير ذكر اسم الدولة) مش من الأردن.

– الفيديو تم تداوله شوية على إنه من العراق وشوية على إنه من لبنان. ولما راجعنا زي قوات الأمن في الدول العربية اللي فيها لاجئين، لقينا إن زي رجل الأمن الظاهر في الفيديو بيرجع غالبًا لقوات الأمن اللبنانية.

– بحسب المفوضية السامية للأمم المتحدة في لبنان أكتر من مليون لاجئ سوري بيعتمدوا إلى حد كبير على المساعدات الإنسانية لسد احتياجاتهم الأساسية والحفاظ على صمودهم في وجه الاستغلال والإخلاء والمخاطر الأخرى.

المصدر
الفيديو المنتشر باعتباره من مصر:الفيديو المنتشر باعتباره من مصر:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى