حقيقة كشف رامي رضوان فبركة مظاهرات المحلة

– رامي رضوان، مقدم برنامج مساء دي ام سي، في حلقة إمبارح خلال نفيه حدوث مظاهرات أمس في مدينة المحلة، عرض فيديو وقال إن متركب عليه هتاف “الشعب يريد إسقاط النظام” و بعدها عرض ٥ ثواني فقط من نفس الفيديو تاني بدون صوت وقال إن ده الفيديو الأصلي، والصوت متركب وعلق “بربع جنيه، جهز الصوت من مظاهرات قبل كده وهوبا الزقها مع الفيديو مع تجمعات للأهلي والزمالك” .

زائف

– الكلام ده غير صحيح، والفيديو اللي رامي رضوان بيقول إنه مفبرك ومتركب عليه صوت هتافات قديمة، متصور إمبارح من ميدان الشون بمدينة المحلة الكبري بمحافظة الغربية، والهتافات حقيقية. (في التعليقات أكتر من نسخة فيديو مختلفة من نفس المكان بنفس الهتافات) ✅✅

– التجمع والهتاف كان أسفل كوبري “الفريق رضا حافط” وهو كوبري حديث لم يكن موجود في أي من المظاهرات السابقة سواء في ٢٥ يناير ٢٠١١ أو ٣٠ يونيو ٢٠١٣، وكمان صور جوجل إيرث بتوضح إن الكوبري لم يكن موجود فوق ميدان الشون حتى شهر مارس ٢٠١٤، الكوبري تم افتتاح المرحلة الأولي منه في مارس ٢٠١٥. ✅✅

– لا توجد نسخ قديمة من نفس الفيديو بنفس زاوية الكاميرا علي العكس توجد نسخ مختلفة بنفس الهتافات من نفس المكان، وكمان صور بتاريخ إمبارح متصوره من نفس المكان .✅✅

المصدر
فيديو رامي رضوان:
أقرأ المزيد عن

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى